Shillong, Iaiong 04: Ka KSU Mawlai Circle kala dap da ka jing sngewkmen halor ka jing shimkhia jong ka Police deptt lyngba ka tnad Traffic ban pynlong iaka Awareness Programme ha kaba iadei bad kumno ban kiar kali haba jam na shiliang sha shiliang surok bad ban pynlait naka jingdheng kali, ha katei ka programme naka liang ka tnad traffic kala pynlong iaka jingai jinghikai ha Mawlai Nongkwar Petrol pump ha kaba kala hikai iaki paidbah khamtam iaki khynnah skul ba kumno ki dei ban nang ban pyndonkam ia u Zebra Crossing hynrei.
Na ka liang ka KSU Mawlai Circle ka dap daka jingsngew lyngngoh kaba khraw ba kumno ka traffic branch kan ai jinghikai ha kaba iadei bad u Zebra Crossing haba wat tang uwei u Zebra Crossing ruh ym shym la don satia wat ha ki jaka ba donkam tam kum ha lad Iewrynghep bad ha Mawlai Nongkwar Petrol Pump ha kaba ki ba bun ki khynnah skul ki pyndonkam iaki kine lad ban jam na shiliang sha shiliang.
Kumta na ka liang ka Circle kala dawa naka Sorkar lyngba ka tnad PWD(Roads) ba ka dei mardor ban buh noh ia u Zebra Crossing ha lad Iewrynghep bad ha lad Nongkwar Petrol Pump,lyngba kane ka kyrwoh ka Seng ka kyntu iaka tnad PWD baka dei ruh ban buh iaki Zebra Crossing ha ki jaka ba kham donkam khamtam ha shilynter ka surok naduh lad Mawlai Umthlong shaduh Mawiongrim kham kongsan eh haki jaka ba bun ki skul khnang ba kan pynsuk iaki khynnah skul lada ki donkam ban jam na shiliang sha shiliang ka surok.
Na ka liang ka KSU Mawlai Circle ka ngeit skhem ba ka tnad PWD kan leh kloi noh ia katei ka kam khnang ba kan pynlait naka jingdheng kali bad ba kan ym wanrah iaka jingjia ba sngewsih lyngba ki jingjia ia tyngkhuh kali bad kiwei kiwei ki jingjia ba sngewsih hadien habud Kane ka long katkum ka kyrwoh na u Samla Mac Iver Thabah,Vice President KSU Mawlai Circle.
