Sngew kmen ka SNSBH ia ka shithi jong ka sorkar pdeng ba la phah sha u ophis u Lat ka jylla

Shillong, Risaw 12: Ka Synjuk Ki Nongsynshar Shnong ka Bri Hynniewtrep,(SNSBH) ka dap da ka jingkmen ban iohi ba ka sorkar pdeng kala shim khia ban ia kren halor katei ka shithi kaba la wan na ka tnad Union Ministry of Home Affiars, Government of India, kaba January 2016, ba la thoh sha u Principal Secretary, sha u Governor ka Meghalaya, ha kaba ka dei ka shithi jubap hadien ba ka MHA ka la pan jingmut na ka tnad Union Ministry of Law and Justice, Government of India, ha kaba la kynthoh halor ka ain VAB jong ka KHADC bad ha kaba la kdew ba ba katkum ki kyndon jong ka Sixth Schedule Constitution Ri India ki Ain kiba ka KHADC kan shna dei ban kynthup lang ia “baroh ki Schedule Tribes” hapoh jylla bad ka jingbym ai hok ban ioh bynta lang ia “kiwei ki Schedule Tribes” kynthup ki kynthei bad ki “original inhabitants” jong ka jylla, ban ioh bynta ban jied nongsynshar shnong ka long ka bym don jinglaitluid bad kabym don Ain. La don ruh sa kiwei kiwei ki jingkynthoh.

Khyndiat kum ban shu pynkynmaw la lum kyrkieh ia ka Dorbar Federation of Khasi States ha ka 25 tarik May 2017, bad sam paidbah ia kane ka juh ka shithi ha ka Press Conference kaba la khot ha Shillong Press Club ha ka 27 tarik May 2017, ha kaba ngi la kynthoh jur ia ka Sorkar India halor kane ka jingkren niewbein ia ki jingsynshar tynrai. Ngi la phah ruh ia katei ka shithi sha jan baroh ki Khlieh Nongsynshar Hima, bad la wan ai ia katei ka shithi markhmat ha u Acting Syiem, Hima Mylliem ha ka jingiadonlang ki Bakhraw jong ka Hima Mylliem bad la kyrpad ia ki ban lum ia ka Dorbar Hima Mylliem ban ia kren halor katei ka shithi.

Ngi pynkynmaw ba la sam paidbah ia kane ka shithi bad la ia kren ruh ha ka jingialang jong ka Meghalaya Indigenous Tribal Constitutional Rights Movement (MITCRM) ba la long hapoh office KSU, Jaiaw, kaba la long ha ki bnai August /September 2017 ter ter ban ia kren halor ka jingbym ithuh ka Sorkar India ia ki Dorbar Shnong ha ka jingpynbeit thymmai ia ka Sixth Schedule, bad ha kaba la don lang ki nongialam ki nongkitkam jong ka ka Synjuk Ki Nongsynshar Shnong ka Bri Hynniewtrep,(SNSBH), kynthup ki nongkitkam jong kiwei ki seng bhalang kum ka FKJGP, KSU, HNYF, JYF, bad kiwei kiwei, nuima lehse la kum klet, ngin nym ia khien ia kata hynrei kaba kham kongsan ka long ba donkam ia ngi kum ka jaidbynriew ban ia kynduh lang kyrkieh ban sngewthuh shai halor ka lawei jong ka jingsynshar tynrai na kaei kaba mih na katei ka shithi.

La kyrpad ia ki Rangbah shnong kiba kwah copy ia katei ka shithi ban wan shim na office ka Dorbar FKS, kumjuh ngin sa buh ia katei ka shithi ha shen ha ka Katei ka shithi ka pynpaw shai kdar ia kaei kaba ngi iai kren la palat arphew snem ba ka Sixth Schedule katkum ka Constitution Riti Synshar India kam dei tang na ka bynta u Khasi, Jaintia lane Garo hynrei ka dei katkum katei ka shithi na ka bynta baroh ki jaidbynriew riewlum kynthup ia ki “original inhabitants” bad ha kaba hap ban jied da ka jingmynjur lang jong baroh.  Ngi long kiba kloi ban ia pynshai bad ia syllok bad ka SNSBH,  bad ki Rangbah Shnong kiba kwah ban ioh jingshai halor katei ka shithi MHA ha kano kano ka sngi kaba ngin ia pynbeit lang.

Ki pynpaw da ka jingsngewthuh da ka jingkitkhlieh ba haduh kine ki sngi YM don jingbatai ba shai kdar hangno hangno ruh shaphang ka kyrdan ka itiar (powers) ka jingkitkhlieh ki Dorbar Kur, Dorbar Shnong, Dorbar Raid Dobar Hima – Elaka Dolloi, Sirdarship lane A’king Nokma, hapoh ki 21 tylli ki para Sixth Schedule lane  hapoh lai spah tam ki Article Constitution Ri India, bad ban ioh ia kata ka jingithuh jingshai ngi donkam ka jingiatreilang Jong ka District Council bad Ka Sorkar Jylla namar don lai tylli ki ADC hapoh Meghalaya  la ong u Bah  John F Khashiing, Chairman, Ka Dorbar Ki Khlieh Nongsynshar Ka Ri Hynniewtrep bad nongai ktien ka Federation of Khasi States.

 

 

What Next?

Recent Articles

Leave a Reply

Submit Comment
*