Shillong, Jymmang 27: U myntri Rangbah ka jylla u Conrad K Sangma mynta ka sngi u la pynpaw ia ka jingsngewsih ka jong u ban tip ba ki samla pule ka jylla ha ka resolt matrik ha kaba ki samla kila pass tang 54%.
U myntri rangbah ia kane ka jingsngewsih ka jong u la kren ha ka jingialang paidbah ha ka shnong Byrwa ha kaba plie ka “Meghalaya Aroma Mission”. Ka sorkar, ki nonghikai ki hap ban ia pyrkhat lang halor kane ka jingpass duna ki samla pule ha ka matrik.
U la ong ba baroh kiba ia leh ia ka eksamin matrik ki long kumba 50000 ngut tam ei ei kiba pass ki long tang 54% kane ka pynni ba mar shiteng ki samla pule ki phail ha ka eksamin ka jong ki, kane ka long kaei kaei kaba sngewsih ban iohi ba ka resolt ki samla ka long ha kane ka rukom.
U myntri rangbah u la ong ban kyntiew ia ka jylla ha baroh ki liang don kam ia ka jingnang jingstad, khlem ka jingnang jingstad yn nym lah ban leh ei. Hlaor kane ka bynta hap ban ia mir jingmut ban leh kumno ba ki khynnah kin kham pass bha ha ka eksam namar ka jingnang jingstad ka long kaba don kam haduh katta katta na ka bynta ka roi ka par jong ka jylla.
