Shillong, Nailur 10: Ki riew sniew kiba ym lah ban tip kila theh da ka mobil ha ka top um kaba sam um ia ka shnong Nongkseh baroh kawei mynta ka sngi. Ia kane la lap da u nongplie um ba dei peit ia kane ka top um mynta ka sngi ha ka por mynstep.
U Bah D Thangkhiew u wei na ki nongkit kam shnong haba kren ha u SP News Agency u la iathuh ba ia kane ka jingshah theh mobile la lap da u nongplie um mynta ka sngi ha ka por step bad u la pyntip ia kane ka jingjia sha ki nongkit kam shnong.
Na ka liang jong ka shnong kala pyntip ia kane ka jingjia sha ki bor jong ka tnad sam um jong ka jylla bad kum juh la pyntip sha ki pulit ba kin leit ban tohkit iakane ka jingshah theh mobile.
Bun na ki paidbah kila pynrem ia kane ka jingleh jong kine ki riew sniew ban don ia kane ka jingdusmon haduh ban da theh da ka mobile ia ka tp um kaba ki paidbah jong ka shnong Nongkesh ki ioh iaka umbam umdih na kane ka top um jong ka sorkar kaba sam ia katei ka shnong baroh kawei.
Na ka liang jong ki heh sorkar na ka PHE bad kum juh na ka liang jong ki pulit kila leit sha katei ka jaka ban jurip ia kaei kaba la pyntip da ki bor shnong ha kaba ia dei bad kane ka jingshah theh mobile ha ka top um kaba la Laimer ha dien jong ka Dispensary jong ka sorkar.
Haba la kylli na u Chief Engineer jong ka PHE u Bah SK Blah u la ong ba u dang phah tohkit ia kane ka jingkynnoh. La ong ba yn dang ap ia ka kaiphot halor kane ka jingshah theh mobil ka top um jong ka PHE ha Laimer.
