Shillong, Naitung 04: Mynta ka sngi u Bah Pius Marwein kyrtong jong ka seng UDP u la thep ia ka nomination jong u ban ia khun ia kane ka elekshon shiteng samoi na ka 35- Ranikor Konstitwensi, ha ka jingiasynrang lang ki nongkyrshan jong ka party.
Da kane ka jingthep kyrteng jong u u Bah Pius baroh ki kyrtong kiba la iathep kyrteng mynta ka sngi baroh kila poi sha ka saw ngut, U Martin M Danggo NPP, u Jackiush A Sangma Congress, Bah Pynshngianlang Syiem na ka PDF. Ka jingthep kyrteng kan kut ha ka 6 tarik mynta u bnai.
Ban kdew hangne ba u Bah Pius Marwein u la ialeh ia kane ka MLA elekshon na kane ka juh ka jaka ha kane ka general elelction sha ka iing dorbar thawain ka jylla mynta u snem na ka juh ka seng UDP bad ha kane ka elekshonshiteng samoi ka party UDP kala pynieng biang ia u Bah Pius Marwein.
