Thoh ka JSU sha u Conrad ban kyrpad ban pynlait pisa ia ki nongtrei JHADC

Shillong, Iaiong 02: Ka seng JSU ka lah thoh sha u Myntri Rangbah ka jylla bad sha u Commisioner of District Council Affairs ba ka sorkar ka dei ban phai khmat lang sha ka jingeh jong ki nongtrei ka JHADC ban iarap ban pyllait noh ia ki tulop jong ki nongtrei ka JHADC kynthup lang ia ka MDC kiba don haduh kum ym duna ia ka 1700 ngut ki nongtrei bad ki lah duh ia ka tulop ymdon ia ka 6 bnai tam ei ei kata naduh u bnai October 2019 haduh u bnai March 2020.

Ka seng JSU lyngba ka shithi ba lah phah sha ka sorkar jylla ,ka lah kitbok kit rwiang ia ka sorkar ba kan nang lah ban trei shuh shuh ban wanrah ia ka lad jingiarap ia ka jingdonkam jong ki paidbah kum ha kane ka por ba kynduh jingeh namar ka jingkhang shnong ne ka lockdown kaba 21 sngi tam ban iada ia ki briew ban lait na u khniang COVID 19 u ba lah sa phriang baroh kylleng ka pyrthei.

Kumta na ka liang ka seng ki kwah ba na ka liang u Myntri Rangbah ba un shim khia ia kane jingeh jong kine ki nongtrei JHADC bad lah kyrpad ia ka tnad sorkar ka District Council Affairs ba kan leh ei ei noh mardor ban ioh iarap ban pyllait ia ki tulop ba dang sah jong ki nongtrei namar ki nongtrei ki lah kynduh jingeh na ka jing shah set tulop ba lah bun bnai bad ki kyhnduh jingeh shisha haduh katta katta ban siew ban diah ia la ki jongdonkam ha man la u bnai naduh ki bai ing,bai skul khun bad ka bai bam .Lah poi ba u pud ba ki hap ban shim ram ban pyndap ia la ki jingdonkam ha ing ha sem.

Ka seng ka pynrem jur ia ruh U CEM ka JHADC u Ma Thombor Shiwat namar ka jingkhein sting bad shu ieh beiƱ ia ki nongtrei ka Council khlem da siew tulop da ki bnai kiba bun.Ka seng ka lah ong kaba kham sngewsih shuh shuh ka long ba ka JHADC ka lah lum lah lang jan man ka sngi ia ki Forest Tax ,Revenue bad Service Tax bad kiwei kiwei tax ba kynthup ki bai stamp bad ka Professional Tax kaba lah lum shi sien shi snem hynrei kaba lyngoh ka long ba kane ka pisa jong ka council ka lah jah shaei khlem da ioh jingkhein kaba tikna bad u CEM u dei ban ai jingkhein ia kane ka jingjah klep ki pisa ba lah lum na ki Tax bad Revenue ba man ka sngi haduh ba ki tulop jong ki nongtrei bad MDC ruh ym lah ban siew.

Ka JSU lyngba u nongialam ba ha khmat ka seng u samla Treiborlang R Suchen u la iathuh ba ul ah ioh ruh ban iakren bad u Secreatry jong u Myntri Rangbah ka jylla bad u lah iathuh ba u Myntri Rangbah ka jylla u Conrad K Sangma u lah shim khia ban iarap ban pyllait ia ki tulop jong ki nongtrei ka JHADC bad kiwei de District Council ha ka jylla .

Hynrei ym pat ioh jingtip kaba bniah haduh katno bnai ba ka sorkar ka la lah ban iarap pyllait ia ki tulop jong ki nongtrei .U President jong ka JSU seng kmie u Lawyerson War u lah ong ba ka seng kan shim khia ban bud dien ia kane ka jingeh ki nongtrei ka JHADC namar ka seng kam sngewtynad ban iohsngew ba ki paidbah jong ka jylla kiba trei ha kano kano ka bynta kin shem jingeh ban ioh tulop ne shem jingeh ban ioh marbam ban pyndap ha ing namar ka jing pakhang shnong.

 

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet