Shillong, Iaiong 08: Ka tand kam poh iing jong ka sorkar Meghalaya kala buh ia ka jaka ap jong ki Pulit ha Mawlai View Point ban talasi ia ki kali kiba ia rung ia mih ki dei ban long tang ki kali kiba la ioh ia ka Pass kaba biang.
Na ka liang ki lat pathai khubor kila leit sha katei ka jaka la iohi ba ki pulit kiba don ha katei ka jaka kila peit bniah ia ki kali kiba ia rung ia mih na kane ka nongbah shnong la shah tang ia ki kali kiba don ia ka Pass ba kin iaid, ki kali kiba rung ki hap ban thoh kyrteng ia u nongniah bad u nongbut ka kali.
Kane ka jingtalsi jong ki pulit kam dei tang ia ki kali rit hynrei ia baroh ki kali kiba ia rung ia mih na kane ka nongbah shillong, kane ka jingleh ka long ban tip ia ki briew kiba wan bad kiba mih, ia ka kyrteng jong ki briew la rehister ha katei ka jaka.
Ha ka jingiakren bad ki pulit kiba pa ha katei ka jaka la long ba ha kine ki sngi kila don ki nongbylla kiba dei ki trai jylla hi kiba la ia iaid kjat ban ia leit phai sha ki iing ki sem, kiba trei sha Shillong ki leit phai sha ki shnong bad kiba don sha Ri Bhoi ki kiew ban leit phai sha ki shnong hynrei ban ong kiba na bar jylla kim don.
