Shillong, Naitung 06: ka jylla Meghalaya ka dei ka jylla kaba pyn
mih ia bun jait ki jait soh bad u wei na ki jait soh bala pynsep ei bha haduh mynta u dei u Sohphan ha kaba u mih bha ha kane ka jylla baroh.
Ha kine khyndait snem na ka liang jong ka tnad rep soh kala pyrhang ban hikai ia ki briew kumno ban wanrah ia ka jingmyntoi na u sohphan ban kyntiew ia ka ioh ka kot da kaba pynlong ia ka tamasa ha kaba ia dei bad une u sohphan, ia ka tamasa kaba nyngkong la pynlong ha Williamnagar jong ka East Garo Hills bad ia ka tamasa kaba nyngkong ha Khasi Hills la pynlong mynta ka sngi ha All Saint Hall Shillong.
Ha kane ka sngi baroh ki District Horticulture kila wan ban ia shim bynta ha kane ka tamsa da kaba wan ban pyni ia ki jingtrei kaba kila ialeh ban pynmih na u Sohphan. Ki jingmih kiba la pynmih na Sohphan kiba la pyni mynta ka sngi, ki long ka Umsoh, ki Ashar, Ki Ship, bad ka wine ia kaba la khring iaki paidbah kiba la ia tuid sha kane ka tamasa.
Ha kane ka sngi la die ruh ia ki sohphan ia kiba la wanrah na kylleng ki jaka jong ka jylla Meghalaya, naduh Garo Hills, Ro Bhoi khasi Hill. Ha kane sngi ki paidbah kila iohi ia kiba bun jaid ki sohphan kiba heh haduh ki barit, ia u sohphan shimon u ba dei u jaidsohphan bah eh duh ia kaba la wan ban pyni nam ha kane la sngi la thied da kynhun shipai Assam Riffle.
