Shillong Risaw 27: Ki nongkhaii masi beain na India sha Bangladesh lyngba ki khapud jong ka jylla Meghalaya, khamtam eh na East Khasi Hills kila tur iap shisha ban phah masi sha Bangladesh wat ha pdeng ka jingioh kem jong ki shipai BSF na ka por sha ka por.
Na Umsyiem ki shaipai BSF haba kila iohi ia ka jingnoh kynsan jong ki masi sha khappud kila beh bad ha kane ka jingiabeh na ka liang jong ki nongkhaii masi kila ioh ban phet sha khlaw bad ki BSF kila ioh ban kurup 13 tylli ki masi na katei ka jaka kaba hap hapoh jong ka East Khasi Hills.
Katba ha Shella ki BSF kila ioh ban kurup 13 tylli ki masi na kawei ka kali Tata Pick Up katba ka dang thmu ban rung sha Bangladesh ban pynhap Masi. Na ka liang jong ki BSF kila peitngor bha ia kane ka jingkhaii masi beain sha Bangladesh.
