Shillong, Naiwieng 13: Mynta ka sngi ka kynroh jong ka jingkieng dwar ksuid ka bynta kaba sharum kala twa bad kane ka jingtwa ka buh ia kane ka jingkieng hapdeng ka jingma kaba khraw.
U President jong ka HITO Ri Bhoi District u bah Apbor Nongrum u ba la ioh ban ring Video ia ka kynroh ha ka por ba dang twa u la ong ba kum ka seng ka dawa na ki bor jong ka District jong ka Ri Bhoi ba kin shim khia ban peit ba kan nym jia ei ei ia kane ka jingkieng.
U tei u nongialam ka seng HITO ha Ri Bhoi District la ong ba ki bor jong ka District kidei ban khang noh ia ki kali kiba kit khia ban iaid lyngba kane ka jingkieng ba kan nym wanrah kano kano ka jingeh ia ki paidbah ban nym jia kano kano ka jingjia kaba sngewsih.
La ong ba kila skhi ba katba dang iaid ki trok na katei ka jaka ka jinghap khyndew ruh kala dang jur, dei halor kane ka nongrim ba ka seng ka dawa ba dei ban khang ia ki kali kiba kit khia ba kin nym iaid ban lait na ka jingma.
Ka jingtih ban shna ia ka jingkieng kaba thymmai ha katei ka jaka ruh kala dang iaid bad ia ki paia la leh ban pynieng bad ka jingtrei ka dang iaid sha khmat ban shna ia ka jingkieng kaba thymmai ha katei ka jaka.
