Ujor ka FKJGP sha u Syiem ka Hima Mylliem ba don ki nongdie Kyiad ha Lum Shillong

Shillong, Lber 19: Ka FKJGP Mawkhan Unit hapoh ka jingialam jong u Samla Trycolour Kurkalang President bad u Samla Kyrshan Langstieh, General-Secretary ha ka 14th March 2018 kala phah da ka jingthoh sha ka Office jong u Syiem Hima Mylliem ban kyntu ban shimkhia bad ban teh lakam halor ka jing don jong ki Nong die Kyiad be-ain ha u pud u sam hjong u Lum Shyllong, ban khanglad ia ka jing pom Pathar ia ki dieng ha ki Sawdong sawkum jong u Lum Shyllong, Ka jing Pynjaboh ia ka Mei Mariang ha ki bynta jong u Lum Shyllong bad ki jaka ba marjan bad kumjuh ruh ban tuklar ban shimkhia ia ki jingkynrei jong ki ba wan ban leh ia ki kam Awria ha kitei ki jaka.

Ha katei ka sngi ia ki Nongialam jong ka FKJGP Mawkhan Unit la synran lang da ki nongialam ba hakhmat eh jong ka FKJGP Mawnianglah Unit & FKJGP Mawrashe Unit kiba hap hapoh u Pud u Sam jong ka FKJGP Upper Shillong Circle, namar ba kum ka Seng kaba don shisha ia ka jingkitkhlieh na ka bynta ka bha ka miat ha ka imlang ka sahlang bad na ka bynta ka Akor ka Burom jong ka Ri bad ka Jaitbynriew hi baroh kawei.

Ka Seng FKJGP kan ym lah ban shu shong kli kti khamtam eh hadien ba la ioh ia ka jingujor na ki paidbah Nong Shnong Shnong jong ka Thain halor ka jingkynrei jong ki Nong Die Kyiad be-ain bad ka jing sdang ban jyllei jong ki Nong leh kam Awria ha ki bynta jong u Lum Shyllong.

Kyntan iawai ka seng ka pynpaw ba ka long kaba kloi ban ia treilang bad ka Office jong u Syiem ka Hima Mylliem na ka bynta ban wanrah ia ka shong suk shong Shngain ha ki shong ki thaw bad ban rad diengkhong ruh ia kiba bun jait ki jing sniew.

 

 

 

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet