Ujor ki Rangbah shnong ka thaiñ Muktapur sha u SDO ba jubor ka jingdheng kali ha Tamabil

Shillong, Iaiong 18: Ki rangbah shnong ka thaiñ muktapur mynta ka sngi kila phah ia ka jingujor sha u SDO Amlarem Civil Sub Division halor ka jingdheng kali hapoh Tamabil na ka daw jong ka jingpynieng pathar ki trok kimaw shun sha Bangladesh.

Ki rangbah shnong kiba la soi ia kane ka jingujor ki long, u Rangbah shnong ka  Bakur, Dawki, Riahjahlong ,Amlympiang, Amdoh, Rongkhum,Amsku, Amjalong bad Muktapur. Ha kane ka jingujor ka jong ki kila pynpaw ba kane ka jingdheng kali kala buh ia ki paidbah ha ka jingeh ban poi sha ka jaka kaba ki thmu ban liet.

Ha kane ka jingujor na ka liang jong ki rangbah shnong kila pynpaw ba kine ki trok kiba la ieng da u lain baroh ki dei kiba leit ban pynhap ia u mawshun sha Bangladesh lyngba ka kadkhaii na Tamabil.

 

What Next?

Recent Articles

Leave a Reply

Submit Comment

*