Guwahati, Kyllalyngkot 04: Ka nongak phlim Hindi ka Mallaika Arora mynta ka sngi kala wan ban ia shim bynta ha ka tamsa kaba 12 sngi lynter kaba la pynlong haChirang hapoh u pud u sam jong ka Bodo jong ka jylla Assam.
Ia kane ka khlur nongap phlim Hindi la pdiang burom ia ka ha kada liengsuin Guwahati da ki nongpyniaid jong kane ka tamasa bad la ialam ia ka sha katei ka jaka leh kmen kaba don ha Chirang bad da ka jingwan jong ka kala dang khring shuh shuh ia ki paidbah sha kane ka tamasa.
Kane ka tamasa kala sdang ha ka 27 tarik jong u bnai ba ladep bad kan kut ha ka 7 tarik mynta u bnai, ha kane ka tamasa u nongialeh kai wrestling u Khali ruh u la wan ban ia shim bynta. Ka jingpynlong ia kane ka tamasa da ka sorkar Assam ka long ban khring ia ki briew na kylleng ka pyrthei ban wan jngohkai ia ka Assam.
