Shillong, Naiwieng 5: Ha ka sngi sdang jong ka dorbar Synrai ka sorkar jylla kala wanrah ia ki lai tylli Bills bad ar tylli ki Amendment ia kaba la pdiang da ka iing dorbar ia kaba ka iing dorbar kan sa ia kren bniah ia ki ha ka sngi kut jong ka jingshong dorbar .
Ki Bill kiba la wanrah mynta ka sngi ki long ka, Meghalaya Right to Public services Bill, 2020, ka Meghalaya Minerals Cess(Amendment) Bill, 2020 la wanrah da u Myntri Rangbah ka jylla u Conrad K Sangma bad ia ka St, Xavier’s University, Shillong Bill, 2020, la wanrah da u myntri ba dei peit ia ka tnad pule puthi u Bah Lahkmen Rymbui.
Ha kane ka sngi u myntri rangbah ka jylla u la wanrah ruh ia ki ar tylli ki Amendment ka, Meghalaya Minerals Cess(Amendment) Bill, 2020 bad ia ka Meghalaya Farmers’ ( Empowerment) Commission (Amendment) Bill, 2020.
U Symbut Myntri Rangbah ka jylla u Bah Prestone Tynsong ba dei peit ia ka tnad Parliamentary Affair u la wanrah hapoh ka iing dorbar ia ka Meghalaya Legislative Assembly Secretariat ( Recruitment and Conditions of services) Rule 2020.
