Shi
llong, Iaiong 21: U myntri rangbah jong ka jylla u Conrad K Sangma mynta ka sngi, ryngkat u synbut myntri rangbah u Bah Prestone Tynsong ba dei peit ia ka tnad shna surok jong ka sorkar jylla kila leit ban jurip ia ka surok Mawlai by-pass ha ka jingiadon lang u MLA ka Mawlai u Bah Process T Sawkmie bad u MLA ka Umroi u Bah George B Lyngdoh lem bad ki ophisar sorkar.
Ka jingleit jurip jong u myntri rangbah ka jylla ia kane ka surok ka long ban lap ia ki jingshisha balei ka jingtrei kala sah kut bad ban bud dien ruh ia kawei kaba u MLA jong ka Mawlai u la dep ban kren hapoh ka iing dorbar ha kane ka jingiashong dorbar mang tyngka ba kaba dang shukut shen.
Na ka liang jong ka sorkar ka kwah ban pyndep noh kloi lan ia kane ka surok Mawlai By-Pass kaba iaid na Mawlai Mawiong bad mih sha Mawlai Mawroh syndah jong ka NEHU. Na ka liang jong ka sorkar ka ioh ba kane ka surok kan iarap shibun ia ka jingdheng kali hapoh kane ka nongbah Shillong khamtam eh ha Mawlai Petrol Pump.
U Symbut myntri rangbah ka jylla u Bah Prestone Tynsong haba kren ha u SP News Agency ula iathuh ban a ka liang jong ka tnad shna surok kala weng noh ia u kontraktor ba pyntrei ia kane ka surok Mawlai By-Pass. Na ka liang jong u myntri u la iathuh ba ka tnad shna surok mynta kan sa khot tender thymmai na ka bynta ka jingtrei ba dangsah.
Ka sorkar kan sa pynkloi noh ia kane ka jingkhot tneder bad mar ia dep khot ia ka tender uno uno u kontraktor ba ioh ia ka jingkren u hap ban sdang noh na ka bynta ban pyndep noh kloi ia kane ka surok kaba kongan ban pynlait na ka jingkhap ngiah kali hapoh kane ka nongbah Shillong.
