Shillong, Naitung 21: U Symbud Myntri Rangbah ka jylla u Bah Prestone Tynsong u la iathuh ba ka sorkar kala ioh shuh shuh ia ka kaiphot na ki Deputy Commissioner jong ka Ri Bhoi District bad East Khasi Hills District ha kaba ia dei bad ka jingwan iathoh shong kurim na Greenwood Resort Assam.
Ha kane ka kaiphot la shem ba na Shillong la lap shuh ba ki dang don saw ngut kiwei pat bad na Ri Bhoi District la lap ba ki don 8 ngut, baroh kiba la lap mynta kiba leit ban ia shim bynta ha katei ka jingiathoh ki long 47 ngut, kaba la dep ban ujor ejahar ka long 35 ngut ki ban sa shah ujor ejahar ki long 12 ngut.
U Bah Prestone u la kren shai ba ka ejahar ka sah ka ejahar yn nym don ba heh ne barit ka ain kan long kum juh ia baroh. La bthah ia kitei ki ar ngut ki DC ba kin lei tai noh mardor ia ka ehajar pyrshah ia kitei ki briew bad ha ka juh ka por ka jingtohkti ban dang wad ia dang don shuh shuh kiba leit kan dang iaid sha khmat.
Haba jubab ia ki jingkylli u Symbud myntri rangbah u la ong ba ia ki kyndon kiba la buh ha ka ejahar lah ban ioh na ki DC bad ki SP ka bynta jong ka sorkar kala long ba la bthah ban ai ia ka ejahar, haba la ai ejahar ka dei ka kam paidbah.
La iathuh ba mynta ka sngi u Chief Secretary u la ia shong jingialang bad kit and shipai kiba don ha kane ka nongbah Shillong ban ia kren halor kane ka jingpur kane ka khlam COVID-19 ha ka jylla bad kila ia kren kumno ban iaida ia kane ka jingpang.
Ha kane ka jingiakren na ka liang jong ki kynhun shipai kila mynjur ia ka jingai jingmut jong ka sorkar jylla ba kine ki kynhun shipai kin don noh ia ki jaka test ha ka ktem ka jong ki bad la bthah ba ki dei ban pynpyrkhing bha ban kin nym ia iaid mon bad ki dei ban don ha ki jaka jong ki.
Na ka liang jong ka Assam Regemental Centre kala ai ka jingkular ba ba kin buh ia ka jaka test la ka jong na ka bynta jong ki bad kin dang hap ban pan jingbit na ki bor ba halor bad kum juh ia ka jingbit na ka ICMR.
