Yn rakhe ka KSU Barak Valley Circle , Assam iaka jingdap 10 Snem ka Seng la sngi Saitjain

Shillong, Risaw 05: Haka kyrwoh bala pyllait da u Samla Morning Suja President ka Khasi Students Union Barak Valley Sishar Assam u la ong ba haka 7 tarik u Risaw ka Seng kan rakhe iaka Jingdap ba 10 snem kynthih ka Seng naduh ba lawan pynshkem iaka da u President barim ka KSU Sengkmie u Samla Daniel Khyriem uba bat ha kata ka por kum u Vice President ka Sengkmie .

Ki nongialam ba nyngkong duh jong ka KSU barak valley circle ki long u Samla Ketmi Pohthmi kum u President bad u Samla Edling Pohlong kum u General Secy hakata ka por.

Haka jingiaid lynti jong hakine ki 10 snem ba ladep ka seng ka la mad ia shibun ki jingeh khamtam namar ka don shabar naka Bri U Hynniewtrep bad ka hap ban iakhun pyrshah iaki wei pat ki jaitbynriew kiba thmu ban iuhroit bad ban lehbein iaka Jaitbynriew Khasi ..

Ka Seng kam lah ban klet iaki jingeh kiba ki nongialam ba shadien ki mad naduh ki por ba la seng nyngkon iaka KSU hapoh ka jylla assam

Ki nongialam ka Seng ki la hap ban ia tyngkhuh ia shibun ki kam pyrshah iaki mynder kiba lehbor iaki Thei khasi jong ngi, ki Khar muslim kiba pom  bad thang iaki diengkwai bad ki tympew ki khasi jong ngi bad kumjuh ruh iaki kam rahbor kidnap iaki khasi jong ngi.

 

Ka Seng KSU Barak Valley ha ryngkat ka Bark Valley Khasi Jaintia Welfare Committee kala don mynta hapdeng ha jingialleh ban pynioh iaka Khasi Development Council iaki Khasi kiba shong ba sah hapoh Assam bad kumjuh ruh ban pynioh iaka Schedule Tribe iaki khasi hapoh Assam.

What Next?

Recent Articles

Leave a Reply

Submit Comment
*