Shillong,Naitung10: Ka sorkar Meghalaya kala thaw ia ka committee ban peit ia ki jaka rung bad jaka mih jong ki nongwei kiba wan sha kane ka jylla, ia kane la iathuh da u myntri rangbah ka jylla u Dr Mukul Sangma ha dien ka jingialang jong ka kynhun myntri.
Kane ka long shibynta na ki lad ki lynti kumno ban iada ia ka jingwan rung kyrthep jong ki briew sha kane ka jylla. Kane ka committee ka long ban peit ia ki lad ki lynti kumno ban buh ia ki jingdon kam ban khanglad ia ka jingrung jingmih jong ki briew sha kane ka jylla.
Ia kane ka committee ym khlieh da u Director jong ka tand Directorate of Anti-Infiltration bad ki dkhot jong kane ka committee kin kynthup ia ki ophisar na ka tand lum khajana, ka tand ka kit ka bah, ka tand shangkai pyrthei bad ka tand ba dei peit ia ki kam bylla.
U Dr Mukul Sangma u la ong ba kane ka committee kan peit ia ki jaka na ei ki rung ki mih ki briew khang ban buh lah ban buh ia ki khyrdop, ym tang kata kane ka committee kan peit ruh kiei ki jingdon kam kiba ka sorkar ka dei ban leh ha ki khyrdop. Kane ka committee ka dei ban pyndep ia ka kam hapoh ar bnai.
Kane ka jingthung ia kane ka committee ka long ha dien ka jingialang jong u myntri rangbah bad ki 13 tylli seng bhalang kaba la long ha u Iaiong mynta u snem bad kiba rung ba mih ki dei ban ioh ia ka jingbit ha ki jaka rung kiba la buh da ka sorkar.(SP News)
