Shillong, Jymmang 12: Ki paidbah nongshong ka shnong Umlyngka kiba sah ha Kynton Block-3 mynta la jan shibnai kim ioh ia ka um kaba biang bad kane kala buh ia ki paiddbah ha ka jingeh bad ia ki nongpyniaid shnong.
Ha ka sngi Saitjian ka 11/5/2024 u SP News Agency la iohi ba ha Kynton Block-3 la wan kit um da ka kali ban sam sha kiba sah ha kane ka dong jong ka shnong Umlyngka namar ka um la shibnai ei ei kam shym la poi thikna.
Haba la ioh ban ia kren bad kiba don ha kane ka jaka ban pdiang um kila iathuh ba la jan shibnai ei ei kam poi um thikna ha kane ka dong wat la ki kor um ki biang ha man ki jaka, kim lah shuh ban sngewthuh la jia ia u ia ki pipe um ne ia ka tyllong um.
La iathuh ba kane ka jingsam um sha kiba sah ha ka dong Block-3 dei bala phah sam dang ka shnong namar kane ka dong kala kynduh jingeh shisha ha kaba ia dei bad ka um, haba u SP News u la phone sha kiba dei peit ia ki kam shnong ym shym la ioh ban ia kren.
