Ampati, Jymmang 17: Mynta ka sngi kala don ka jingiasoi ia ka soskular ia sngewthuh jingmud ha pdeng ka ophis jong u District Election Officer, DRDA, ka tnad ka koit ka khaiah bad ka Social Welfare jong ka South West Garo Hills District Hema Nayak ha ka jingdon lang ADC MLK Marak AC elekshon u CRN Marak ban pyndon kam ia ki shuki khyniat bala thied da ka ophis jong u CEO ka jylla Meghalaya ban pyndon kam ha kane ka MP elekshon 2024.
Kiba ia soi ia kane ka soskular ka long hapdeng ka ophis jong District Election Officer, Hema Nayak, Project Director DRDA jong ka Ampati R.Z.D Shira, DMHO, Ampati, H. Barman, bad DSWO, Ampati, T.K. Marak.
Ha dien ba la dep ka MP elelshon sha Lok Sabha 2024. Ki 103 tylli ki shuki khynniat kiba la pyndon kam ha kane ka elekshon MP kaba la dep la aiti noh sha ki tnad sorkar ban pyndon kam ia ki na ka bynta ka jingmyntoi ki paidbah.
La ai phra tylli sha ka ophis jong ka Project Director DRDA, ban pyndon kam ha ki ar tylli ki Block, 90 tylli la aiti sha DMHO jong ka Ampati ban pyndon ha ki 27 tylli ki Dispensary kaba kin ioh mar ar tylli, bad ki 9 tylli ki PHCs kin ioh mar lai tylli, san tylli hapoh District Hospital, 4 tylli bad ka ophis DSWO bad ar tylli ha ophis DEO, Ampati.
Ia ki tei ki shuki khynniat kito ki tnad sorkar kiba la ioh ia ki kin sumar ia ki bad ia ki ym de ban ai sha kino kino ki briew ban pyndon kam ia ki bad lah ban pyndon kam ia ki ha kawei pat ka elelshon lada don kam da ka ophis jong u DEO.
