Guwahati, Jymmang 17: Ha kine ki snem, ka Sorkar India ka la shim shibun ki sienjam ban weng ia ki ain nongwei bad wanrah ia ki ain kiba iadei bad ki nongshong shnong jong ka ri bad pynbiang ia ki jingdonkam jong ka synshar paidbah. Kum shi bynta kane, dang shen, la pyntreikam ialai tylli ki ain ba thymmai ban pynkylla ia ka rukom ai jingbishar ha kaba iadei bad ki kam beain ha ka ri.
Kine ki ain ba thymmai kilong ka Bharatiya Nyaya Sanhita, 2023; ka Bharatiya Nagarik Suraksha Sanhita, 2023 bad ka Bharatiya Sakshya Adhiniyam, 2023, kiba la bujli ia ki ain barim ba iadei bad ki kam beain kum ka Indian Penal Code 1860, ka Code of Criminal Procedure, 1973 bad ka Indian Evidence Act, 1872. Kumba la pyntip, kine ki ain ba thymmai ba iadei bad ki kam beain kin sdang treikam naduh 1 tarik Naitung, 2024.
Ban wanrah ka jingsngew thuh kaba shai shaphang kine ki ain ba thymmai, khamtam hapdeng kito kiba don ha kane ka kam bad kiba peit ia ki kam ain, ka Tnat Law and Justice kan pynlong ia ka Jingialang kaba la tip kum ka ‘India’s Progressive Path in the Administration of Criminal Justice System’, ha ka jingiatreilang bad ka Sorkar Assam ha Dr.BhupenHazarika Auditorium, IIT Guwahati NamatiJalah, Guwahati ha ka 18 bad 19 tarik Jymmang 2024.
U Myntri Rangbah ka jylla Assam, u Dr. Himanta Biswa Sarama un plie ia ka jingialang kum u kongsan. U Justice Hrishikesh Roy Judge, Supreme Court of India, u Justice Vijay Bishnoi Chief Justice Gauhati High Court bad Justice Biswanath Somadder Chief Justice High Court of Sikkim kin long ki symbud kongsan.
Kiwei pat ki kynrem ki lyndan ki ban iadonlang ha kane ka jingialang pliekilong u Arjun Ram Meghwal, Myntri Khynnah (Independent Charge) ka Tnat Law and Justice, Sorkar India badDr.ReetaVashisth, Member Secretary, Law Commission of India.
Ka jingthmu jong kane ka jingialang kalong ban wanrah katto katne ki mat jong ki ain ba thymmai ba iadei bad ki kam beain bad ban pynlong ki jingiaphylliew jingmut lyngba ki jingialang ba iadei bad ka teknikal bad ki jingkylli bad jubab.
Shuh shuh, ki Nongbishar jong ki iingbishar bapher bapher, ki nongiasaid ain, ki riewshemphang ha ka pule puthi, ki dkhot jong ki kynhun ba dei khmih ia ki ain, ki heh pulit, ki nongbishar, ki ophisar na ki bor pyniaid distrik bad ki samla pule ain na ki Jylla ka thain shatei lammih ngi kin iashim bynta ha kane ka jingialang. Lah ban pynkynmaw hangne ba ia ka jingialang ba nyngkong la pynlong ha New Delhi ha ka 20 tarik Iaiong, 2024.
Ha ka jingialang plie kata ha ka 18 tarik Jymmang, 2024 yn pynshai halor ki jingthmu jong kine ki lai tylli ki ain ba thymmai, kiba la wanrah ban pynkylla ia ki kam bishar jong ka India bad ban iarap bha ia ki briew jong ka ri. Nalor ki jingkren ha ka jingialang plie, yn don lai tylli ki jingialang ba iadei bad ka teknikal ha ka sngi kaba ar ban batai bniah ia ki ain kumneharum:
Ha ka Technical Session -1 ha ka 19 tarik Jymmang 2024 kan don ka jingiatai sani halor ka jingpdiang ia ka jingpyntreikam ia ka BharatiyaNyayaSanhita, 2023 (BNS). U Justice SoumitraSaikia, Judge, Guahati High Courtun pyniaid ia ka jingialang. Kiwei kiwei ki dkhot jong kane jingialang ki kynthup ia ka SangitaPradhan, Deputy Solicitor General, Sikkim High Court, kaIpsitaBorthakur, Special Judge (POCSO), Nagaon, Assam bad u AmolDeoChavhan, Associate Professor, NLUJA, Assam.
Ha ka Technical Session – 2 ha ka 19 tarik Jymmang 2024 yn iatai sani halor ki bynta ba kongsan jong ka BharatiyaSakshyaAdhiniyam, 2023 (BSA) kata kalong halor ki jingsakhi, ka mat ba kongsan ha ka jingai jingbishar. Ki jingiakren kin long halor ki ‘kot ki sla’ bad ki ‘jingsakhi’ bad yn don ruh ki jingbatai. Ia kane ka jingialang yn pyniaid da u Justice DevashisBaruah, Judge, Gauhati High Court.
Kiwei kiwei ki dkhot kilong u Ranjit Kumar DevChoudhury, Deputy Solicitor General, Gauhati High Court, Dr.NiteshMozika, Deputy Solicitor General, Meghalaya High Court, uRoushanLal, District & Sessions Judge, KarbiAnglong, Assam bad ka Monika Sharma, Special Director (Enforcement), Directorate of Enforcement.
Ha ka Technical Session 3 ha ka 19 tarik Jymmang 2024 yn iatai sani halor ki jingkylla jong ka jingwanrahba la wanrah da ka BharatiyaNagarikSurakshaSanhita, 2023 (BNSS) ha ka jingtohkit ia ka kam beain da ki pulit, bad ka jingpyndonkam ia ki atiar ICT kiba wanrah ia ki jingkylla ha ka rukom treikam ki bor ain bad ki bor ba dei ban peit ia ka jingpyntreikam ia ka ain.
Ia kane ka jingialang yn pyniaid da u Justice ArunDevChoudhury, Judge, Gauhati High Court, uKhomdramSamarjit Singh, Deputy Solicitor General, Manipur High Court, u E. Chandrasekaran, Advocate, Madras High Court bad u NeerajTiwari, Assistant Professor, NLU Delhi.
Kane ka jingialang kan wanrah ka jingsngewthuh bad jingpyntreikam ia kine ki lai tylli ki ain ba thymmai da kaba wanrah jingsngewthuh ha kito kiba iadon bynta ha kane ka kam bad ruh ki briew jong ka ri.
