Shillong, Jymmang 30: Na ka daw jong ka jingslap palat ha kine ki sngi mynta ka sngi kala wan ka jingtwa khyndew hapoh ka shnong Nongpriang kaba hap hapoh jong ka Sohra Civil Sub Division ha kaba saw ngut ki briew kila khlad lai ngut na ka juh ka iing bad wei na kawei pat ka iing, ka jingtwa dei na ka daw ba jur palat jong u slap.
Haba kren ha u SP News Agency ka Sub Divisional Officer jong ka Sohra kala iathuh ba ka dei jingshisha ba kala don ka jingtwa khyndew ha ka shnong Nongpriang ha kaba saw ngut ki briew kila khlad bad haduh mynta dang ioh ban sei tang kawei ka met iap.
Na ka liang ki briew jong ka sorkar mar ia ioh iakane ka jingtip kila leit sha katei ka shnong ban wat ia ki briew kiba la shah ban ha ka khyndew, ha kaba ka iing kala jot phom, la ioh jingtip ba ha kane ka por ba twa namar ka jingslap baroh ki ia don hapoh iing.
Katba toh ia kane ka khubor na ka liang jong ki pulit bad ki briew jong ka sorkar ki dang ia don ha katei ka shnong ban ia wat ia ki met kiba dang ia kaba la ngeit ba kila shah ban ha ka khyndew, ha kane ka jingwat la don lang ruh ki briew jong ka shnong ban ia trei lang bad ki pulit.
Haba la ioh ban ia kren bad kawei na kiba ha iing jong kiba khlad lai ngut na ka juh ka iing la iathuh ba, kiba khlad ka kmie, u kpa bad khun khatduh shynrang bad wei pat dei na kawei ka iing kaba mar jan ki iing ar tylli ki iing kiba la shah ban khyndew ha kane ka jingtwa.
