Shillong, Jylliew 12: U Amrit Kiran Singh u wei na ki jong seng ia ka Skill Online Gaming Institute (SOGI) la ong ba kila ioh ia ka jingkular na ka sorkar pdeng ha kane kaba la dep ba kin sa peit biang ia ka dor jong ka khajna ia ka jingiakhlai online.
Haba ia kren bad ki lat pathai khubor ha kane ka nongbah Shillong mynta ka sngi, la ong ba kane kala dei kawei na ki karkhana aikam ai jam ia ki samla jong ka Ri India, la ong ba ka iew ha ka pyrthei mynta kala kot sha ka T. 159 billion tyngka.
Haba phai sha ka Ri India, kane ka kam ka dang sdang mynta dang san snem bad kadei ka kam kaba dang thymmai hynrei ka iew ka long kaba heh duh katta katta, bad ka Ri India ka don ia ka iew kaba khraw bha.
Kaei kaba ka sorkar India ka leh ha kaba sdang shim ia ka GST na ka pisa kaba u nongpyniakhlai u ioh kum kabai jaka ban ia lehkai, ha ka dor 18% ka GST, hynrei ha ka 1/Risaw/2023 kala pynkiew sha ka 28% ka GST bad kata ka dei na ka pisa ba ki thong ia kaba kiba pynialekai kam dei ka pisa jong ki.
Na ka liang jong ka SOGI kala iakren bad ka sorkar pdeng hynrei namar ba la jan ka elelshon sha Lok Sabha la ai ka jingkular ba kin sa peit biang ia kane ka kam ha dien ka elekshon bad mynta kala don ka sorkar thymmai.
Ka sorkar pdeng kala buh ia ka thong ba ha u snem 2026 ka khaii pateng jong ka Ri ka dei ban kiew sha ka shitrilion, ban pynpoi sha kata ka thong don kam shibun ki lat ki lynti bad kane ka jingiakhlai ka dei kawei na ki lat.
La ong ba lada ka sorkar India ka buh kyndon palat ki kynhun kum na China, America kin sa shim ia kane ka iew namar kane ka dei ka jingialehkai ka long shityllup jong ka pyrthei, ha kaba India ruh ki don bun kiba ia lehkai na kiwei ki ri jong ka pyrthei.
Haba jubab ia ka jingkylli , haba ki don kum kine ki jingiakhlai kan ktah ne em ia ki riew paidbah, u Amrit la ong ba ka jingiakren bad ka sorkar ka dang iaid namar ba kin buh ia u briew katno kynta lah ban lehkai ha ka shitaiew lada la palat ia kata ka mashin kan khang hi.
Ban plie sa kawei ka akkount yn nym lah namar hap ban pynbiang ia ka Aadhaar Kard bad ka pan Kard,namar ia kine ki kot kin nym lah ban don ar tylli bad kane kine ki kot la ban tip ia ka rta ha kaba ki khynnah kin nym ioh ia lehkai.
