Shillong, Jylliew 11: Ka tnad ka sorkar pdeng ka “Ministry of Earth Science” mynta ka sngi kala pynlong ia ka jingialang kaba shisngi hapoh jong ka skul bah North Eastern Hill University (NEHU) ban rakhe ia ka jingdap 127 snem jong ka jingkhynniuh u Jumai bah ha kane ka ri khasi ha u snem 1897 da ka jingiadon lang kiwei ki kynhun ba ia dei bad ka mariang.
Kiba la wan ban ia shim bynta na kylleng ha ka jingialang ban rakhe ia ka lyngkhuh snem kila poi haduh 350 ngut ia kaba la plied da kaba sdang ia ka Saraswati Vandana, bad bud sada ka jignthang ia ka sharak.
Kiba la wan ban ia shim bynta ki long Col. Omkar Singh, Registrar, NEHU, Shillong kum u shongknor ,Prof. Harsh K. Gupta, President, Geological Society of India kum u kongsan, u G. K. Kesari, ADG &HoD, GSI, NER, Shillong bad Dr. O.P. Mishra, Director, National Centre for Seismology, MoES kum u shah khot kyrpang bad Prof. Devesh Walia, Dean of the School of Human and Environmental Science, NEHU kum u nongkhot ia ka jingialang.
Baroh kinongkren ha kane ka sngi kila kren ia kawei ka phang ka long ban long kiba la khreh ban don ki lat jingiada lada jia ba ka don kano kano ka jingjia kaba sngewsih haba la long kiba khreh kan pynduna ia ka jingduh.
