Shillong, Jylliew 13: Mynta ka sngi ka seng sain pyrthei ka Khun Hynniewtrep National Awakening Movement (KHNAM) kala leit ban ai ia ka jingthoh sha ka “Expert Committee” kaba la thaw da ka sorkar ban peit biang ia ka jingbhah kam hapoh kane ka jylla Meghalaya.
Ha kane ka jingthoh kaba la phah ia kaba la soi da u bah P Saibon President bad u bah James M.A Neng, ha kane ka jingthoh kaba la phah sha ka Expert Committee, kala ai jingmut ba kan long katkum ka jingdon briew, ne ban mang beit 80% ia Garo, Khasi bad Jaintia, ne ban ai 50% ia ki Khasi-Jaitnia.
Haba phai pat sha ki kam kiba dei hapoh ki District, ha kaba ia ki nongtrei la tip ban nym pynkynriah kam sha bar jong ka District, dei bab mang 80% ia ki Khasi Jaintia bad 80% ia ki Garo. Kane kan long ha ki kam kiba dei hapoh ki District.
Haba ia dei bad ki jingpule, mynta la bun bun snem la pyndon kam ia kane ka bhah kam ban ioh leit pule, khlem da don kano kano ka jingaibor kaba shai, ka KHNAM kala kren shai ba kane ka polisi bhah kam ka dei ban long beit tang ha ki kam ki jam ym ha ki jingpule.
U Bah Thomas Passah wei na ki kam kitkam ka KHNAM ha dien ba la dep ban aiti ia ka jingthoh sha ka Expert Committee lyngba u bah L K Diengdoh secretary ba dei jong ka Expert Committee u la pynsngew ia ki mat kiba ka seng kala ai ha ka jingthoh.
