New Delhi, Jylliew 13: Ha ka jingkhot sngewbha ka Myntri Rangbah Duh ka ri Italy ka Giorgia Meloni, u myntri rangbah duh ka Ri India u leit sha ka thain Apulia ha katei ka ri ban iashim bynta ha ka jingialang jong ka G-7 Outreach Summit ha ka 14 tarik u Jylliew 2024.
U Myntri Rangbah duh ka Ri India u la ong ba u kmen ba ka jingleit kaba nyngkong jong u ha kane ka samoi kaba lai ka dei sha Italy na ka bynta ka G-7 Summit. U kynmaw ia ka jingleit jong u sha Italy na ka bynta ka G20 Summit ha u snem 2021.
Ka jingwan ka Myntri Rangbah Duh Meloni arsien sha India ha une u snem ba la dep ka la iarap bha ban pynkhlain shuh shuh ka jingiadei hapdeng ki ri. Kine ki ar tylli ki ri kin bteng ban ieng skhem ban pynkhlain ia ka jingiatreilang hapdeng ka India bad Italy, bad kyntiew ia ka jingiatreilang ha ka thain Indo-Pacific bad Mediterranean.
Ha ki jingiakren ha ka bynta Outreach, ka jingphaikhmat kan dei ha ka artificial intelligence, ka bording, Africa bad ka thain Mediterranean. Kane kan dei ka lad ban wanrah ka jingiadei kaba kham bha hapdeng ki jingseisoh ka G20 Summit ba la pynlong hapoh ka Presidency jong ka India.
Kane ka G-7 Summit ka ban wan, bad ban iakren shaphang ki kam kiba kongsan na ka bynta ka Thain Shathie jong ka Pyrthei. U Myntri Rangbah duh ka Ri India u khmih lynti ruh ban iakynduh ia kiwei kiwei ki nongialam ki ban wan iashim bynta ha kane ka Summit.
