Shillong, Jylliew 13: U samla Enlang Sawian u ba dei u secretary jong ka HYC CEC Education cell mynta ka sngi ka 13 tarik u Jylliew 2024 u la leit ban buh da ka jingthoh pyrshah ia ki pulit ki ba don kti haka jingjia shah shoh bad jingshah phah ban dait da u ksew jong ki pulit ia u bah Solin Suting ia ka ba la jia ha ka miet jong ka 11 tarik u Jylliew 2024.
Ha dien ba ki la rah ia u sha thanad halor ka Nongrim ba ka kila suba ba u dei u nong Bangladesh ha ka ba u la buh da ka criminal complain ha u Cairperson jong ka Meghalaya Human Rights Commission u Ret Justice T Vaiphei pyrshah ia kitei ki pulit jong ka Dawki police station.
Ha ba ioh ban kren bad ki nongthoh khubor na ka liang u samla E Sawian u la ong ba kat kum ka jingsaphiraing ka Video ka ba la jia ha Pyrdiwah ka ba don khappud jong ka India Bangladesh ha kaba la ioh u ba ka don ka jinglehbor bad ka jingthombor jong ki pulit ha poh ka Dawki police station pyrshah ia u wei u nong shong shnong hangtei ka jaka.
La kynnoh ba ki pulit jong ka Dawki PS kila pyndait ksew ia u wei u rangbah ia u ba la tip kyrteng kum u bah Sunil Suting 65 snem ka kyrta ha ka ba kat kum ki video la ioh I b aune u rangabah u la shah thombor ha ki pulit da ka ba ki phah ban dait da kita ki ksew hangtag ha poh piloce station.
Kumta na ka liang ka seng HYC ka la leit ban buh da ka complain pyrshah ia u officer incherge kynthup ruh ia ki pulit ki ba don ha katei ka miet ha ka ban thombor pyrshah ia u bah Solin. U la ong ruh ba ka commission ka dei ban leh da ka ba tyngeh ia kine ki pulit ki ba la thombor ia u ne u rangbah.
U samla Sawian u la ong ruh ba ha dien ba ki pulit ki la ioh I ia ka jingsaphriang jong ka video ki la pynmih ia ka jingpynshai ba u bah Solin u dei u nong Bangladesh ka dei tangka jingthmu ban tap eitmiaw noh ia ka ei ka ba ki la leh pyrshah ia u, ka ba long kum ka jingle pyrshah ia ka hok longbriew manbriew.
U la ong ba lada ki pynshong Nongrim kat kum ka ID Voters bad ka Adhar Card ka pyn I shai ba une u Rangbah u dei shisha u nog shongshnong jong ka Pyrdiwah bad kumjuhruh jong ka Ri India. U la ongruh ba ka Commission ka dei ban leh da ka ba tyngeh ia kine ki pulit ki ba leh donbor ia ka ba na ka liang u chairperson u la ong ba un sa shim khia ia kane ka kam.
