Shillong, Jylliew 20: Mynta ka sngi U MP jong ka Jylla Meghalaya sha poh ka iing dorbar thawai ka Ri India ha Rajya Sabha u Dr W R Kharlukhi u la leit ban mudui da ka ejahar pyrshah ia u wei u Youtuber na ka jingshah kynnoh ba une u MP u donkti ha ka bamsap ha ka ba iadei bad ka jingpyntrei kam ia ka MP scheme, ia kane ka ejahar la I mynta k sngi ka 20/6/2024.
Kat kum ka khubor ba la pynmih ha kane ka Youtube Channel ka ba la ai kyrteng R S Kharbani la ia thuh shaphang ka jingioh jong ki ar ngut ki MP barim jong ka Jylla kata ia ka MP na Tura bad u MP na Shillong ia ka jingioh jong ki ia ka MP scheme bad kynthup ruh ia u MP ba mynta sha Rajya Sabha u Dr W R Kharlukhi.
Haba kren sha ki lat pathai khubor ha poh ka ophis trei kam jong ka Seng NPP na ka liang u Dr W R Kharlukhi u la ong ba ki jingkynthoh ha poh jong kane ka youtube Channel ki kdewkti ba kum u MP u la don bynta ha ka bamsap.
U Dr WR Kharlukhi u la ong ruh ba ym shym la pynheh pynsan ha ka ban thuh ban thok hynrei la da mih kum kine ki jingkynthoh na ka liang jong u u sngew ba u hap ban ai ka jingpynshai sha ki paidbah bad u la ong ruh ba la da ki briew ki lap, u la long u ba la kloi ban resign kum u MP ka Rajya Sabha.
U la ongruh ha dien ba la mih kane ka durkhih ha poh ka YouTube channel u la sngew ba ialade kum u nongtuh bad kumta khlem da pynslem u la leit ban buh da ka jingujor ejahar hapoh jong ka cyber crime jong ka Meghalaya police khnang ba kin ioh ban leh ia ka ba don kam.
U la pynshai ruh da ka ba ong ba u ong ba ka Scheme na ka bynta u snem 2022-23 ka la dep dep ha ka ba u la ong ba ki lah ban ioh ia ki jingtip ba bniah napoh ka office trei kam jong u Deputy Commissioner bad lait noh tang ki kato katne ki bym shym la phah ia ka Utilization Certificate.
U Dr Kharlukhi u la ong ruh ba ki Scheme jong u baroh ki poi lyngba u DC, ki Block bad sha baroh ki dorbar shnong, ki School bad ki Hospital bad ka jingpyntrei kamruh la leh da ma ki khlem da don mano mano ba tuklar.
U Dr Kharlukhi u la ongruh ba ki scheme na ka bynta u snem 2023-24 ha ka jingshisha ka la dei ban deplut hynrei na ka daw jong ka jingdon ka election MP sha Lok Sabha kumta la hap ban pynsangeh bad ki dang don sa tang kumba kato katne.
