Shillong, Jylliew 24: U Myntri ba bat ia ka Tnad Housing u Marcuise Marak mynta ka sngi ka 24 tarik u Jylliew 2024 u la pynksan ba ki tien sopiing Aluminum ba la tip kum ki corrugated Aluminum Sheet ki khma neh slem ban ia ki corrugated galvanize irone sheet.
Kane ka jingkam jong u Myntri ka tnad Housing kalong hadien ba ka Hynniewtrep Youth Council (HYC) ka la phah da ka jingujor ba ki tin spoiing CGI Sheet ki ba la sam sha ki paidbah ha Nongstoin bad ha Mawthadrashan C&R block ki dei ki ba stnag bad ki ba jem haduh kata kata.
Ha ba ioh ban iakren bad ki nongthoh khubor na ka liang u Myntri u Marcuise Marak u la iathuh ba na ka liang ka tnad ka la phah ban pynlong ia ka jingthohkit tang shu ioh ia ka jingujor na ka HYC khnag ban ioh ban pyntikna la kane jingkynnoh ka long ne em ka ba shi sha.
U la ong ruh ba ha dein ba u la ioh ia ka jingujor na ka HYC lyngba ka email ha ka ba iadei bad ka jingsam ia ki CGI sheet lynba ka tnad Housing sha ki paidbah ha ka ba ka jinglong jong kine ki tin.
U myntri u la ong ruh ba hadien ba na ka liang ka department ka la dep ban peit bniah ba kine ki tin ki longkat kum ka jingkwah bad ka jingia mynjur bad ka kompeni.
U la ong ruh ba ka jingwan rah ia ki corrugated galvanize irone sheet ha ka jaka jong ki CGI sheet u la baitai ba ki CGI shhet ki long ki ba khia kat ba kine ki Aluminum sheet ki long ki ba stieng bad kham bha bad kumjuhruh kin ban kham neh slem ban ia ki CGI sheet ki ba lah ban kemsarang kloi.
U la ongruh ba hadien ba la dep ban bishar bniah da ka department ha ka ba iadei bad ka jing ai tender sha kane ka company ia ka ba la leh naduh u snem 2022 kata naduh ka sorkar ba la dep.
U la ongruh ba kine ki tin ba la supply da kane ka company ki long ki ba biang. U la ongruh ba na ka liang ka Department ka la dep ban thung ia ka department inquiry ha ka ban thohkit ia kine ki jingkynnoh bad hadien ba la dep ban ioh ia ka report na ka liang ka department kan sha pyntip pat.
