Shillong, Naitung 28: Ka President jong ka Ri India ka Droupadi Murmu kala thung ia u C H Vijayashankar kum u Lat ba thymmai ka jylla Meghalaya bad kane kan trei kam naduh ka sngi ba shimti ia ka kam.
U Lat ba mynta u Phagu Chauhan u la shim ia ka kam kum u Lat ka jylla Meghalaya ha ka 18/Rymphang/ 2023 shuwa ban wan sha kane ka jylla u la dei lypa u lat ka jylla Bihar. Ka jinglong lat ha kane ka jylla ka 17 bnai.
Ka President jong ka Ri India nalor ka jingthung ia u Lat ka jylla Meghalaya kala thung ruh ia phra ngut kiwei ki Lat ha ki phra tylli ki jylla bad kawei ka Union Territory, la thung ia u Haribhau Kisanrao Bagde kum u Lat ka jylla Rajasthan.
La thung ia u Jishnu Dev Varma kum u Lat ka jylla Telangana, la thung ia u Om Prakash Mathur kum u Lat ka jylla Sikkim, la thung ia u Santosh Kumar Gangwar kum u Lat ka Jharkhan, la thung ia u Ramen Deka kum u Lat ka Chhattisgarh.
La thung ia u C.P. Radhakrishnan lat ka jylla Jharkhand la thung noh kum u Lat ka jylla Maharashtra, Ia u Lat ka jylla Assam u Gulab Chand Kataria la thung noh kum u Lat ka jylla Punjab bad ban long u nongpyniaid ia ka Union Territory jong ka Chandigarh.
Ia u Lakshman Prasad Acharya Lat ka jylla Sikkim, la thung noh kum u Lat ka jylla Assam bad la air uh ban peit ia ka jylla Manipur, kane ka jingthung ia kitei ki Lat ha ki jylla bapher bapher kan trei kam naduh ka sngi ba ki shimti ia ka kam.
