Maligaon, Naitung 28: Ka kynhun pulit Railway Protection Force (RPF) kiba ai jingiada ia ki lynti rel kiba hap hapoh jong ka Northeast Frontier Rilway (NFR) ha ka jingialeh ban khang lat ia ka jingwan rung beain ki bar ri la ioh ban kem 47 ngut ki Bangladesh bad Rohingyas na ki Railway Station bapher bapher.
Ha kane ka jingialeh pyrshah ia kane ka jingwan rung beain ki briew, ki pulit RPF kila ioh ban kem ruh 5 ngut ki nong India kiba dei ki agent ban pynrung tuh ia ki Khar Bangladesh bad Rohingyas sha Ri India.
Ki pulit RPF kiba la bat ia ki briew kiba la ishant khmat ha Railway Station ha Agartala haba la kylli kim shym la lah ban jubab bad kim lah ban pyni ia ki kot ki sla kiba don kam ban pynshisha ba ki dei ki nong India.
Kiwei pat la ioh ban kem na Badarpur bad New Lapaiguri Railway Station bad ha ka jingthohkit la shem ba kim lah ban ai ia ki kot ki sla, kane ka jingioh kem ia ki ka long ba ki pult RPF ki long kiba peit ngut ban khanglad ia kiba wan rung beain.
