New Delhi, Naitung 28: U Commerce Secretary Sunil Barthwal u la iashim bynta ha ka jingialang BRICS Trade Ministers’ kaba 14 ha ka 26 tarik Naitung, 2024 hapoh ka BRICS Presidency jong ka Russian Federation. Ka phang pdeng jong ka BRICS mynta u snem kalong “Strengthening Multilateralism for Just Global Development”.
Haba ai khublei ia ka Russian Presidency kaba wanrah ka jingtyrwa halor ki jingeh ha kane ka juk ba mynta, u Sunil Barthwal, u la pdiang sngewbha ia ki dkhot ba thymmai jong ka BRICS (Iran, Egypt, Ethiopia bad UAE) bad ai khublei ia ki halor ka jingiashim bynta jong ki ha ki jingiamir jingmut, mynta u snem.
U Commerce Secretary u la pynpaw ka jingdonkam ban pynkhlain ia ka rukom khaii pateng ba bun bynta bad ka WTO ha ka nongrim, ka jingtreikam bha jong ki Joint Valur Chain, ka jingpyniar ia ka jingiakren hapdeng ki MSME, ka jingjop jong ka India halor ka jingpynkylla Digital bad ka e-commerce bad ka jingiatreilang ba kongsan hapdeng ki Special Economic Zone.
Halor ka jingpynkhlain ia ka jingiadei kaba bun hapdeng ki ri, u la ban biang halor ki sienjam jong baroh ban wad lad na ka bynta ki jingeh ba la sahteng jong ka WTO, khamtam, ka bynta jong ka roi ka par bad ka Special bad Diggerential treatment.
U la ban jur halor ka jingdonkam kyrkieh ban weng ia ki jingeh kynthup ka Public Stock Holding, ka jingwanrah ia ka rukom pynbeit ia ki jingiakajia kaba don ar bynta, ki jingkylla ha ka WTO katkum ki jingngeit bad ka thong jong ka WTO, ka ban wanrah ia ka jingtrei kham sted na ka bynta ki jingdonkam jong ki ri ba don ka ioh ka kot ba dang kiew.
Ka jingpynkhlain biang ia ka WTO lyngba ka ‘30 for 30’ ka ban wanrah kumno kumno 30 tylli ki jingpynbha ha ki rukom treikam ka WTO shuwa ba kane ka kynhun kan dap 30 snem ha u 2025. U la ban jur halor ka jingpynkhlain ia ka bor iaineh jong ki lad pynbiang mar lyngba ka jingpyniar, ka jingiatrei shuh shuh ha ki lad pynbiang mar lyngba ka G20.
Ka generic Mapping framework na ka bynta ki GVC bad da kaba ban jur halor ki mat treikam na ka bynta ka jingiatreilang. Ha kaba iadei bad kane, ha ka sienjam ba nyngkong na ka bynta ka jingpynkylla digital, u la ban jur halor ka khaii pateng bym pyndonkam ia ki kot ki sla.
U la ban jur halor ka jingiatreilang ban ioh ia ki teknoloji kiba dang mih kiba duna dor kaba donkam na ka bynta ka jingkhuid bad ka jinglong ka suin bneng.
Halor ki sienjam ba iadei bad ka suinbneng kaba ktah ia ka khaii pateng, u Commerce Secretary u la pynpaw ka jingsngewkhia ba kum ka jingpynduh ia ki hok bad ki kam ba hap pyndep hapoh ki Multilateral Environmental Agreement ba kyrpang bad ki jingpynkhein ia ki jingngeit jong ka NDC, bad jingkyntait ia ki jingngeit jong ka CBDR.
U Commerce Secretary u la kren ruh shaphang ka jingkongsan ki kam ba iadei bad ka MSME bad ka jingpyniasoh ia ki bad ki Global Value Chain. Haba ban biang ia ka jingkyntu ka Jaipur na ka bynta ka sienjam ban pyniar ka jingioh jingtip na ka bynta ki kam jong ka MSME ha ka Presidency jong ka India ha u 2023.
U la iaroh ia ka Russian Presidency kaba la rah shakhmat ia ka sienjam da kaba shim ia ki sienjam ban lum katto katne ki jingtip ba iadei bad ki MSME hapdeng ki dkhot jong ka BRICS. Katba ki MSME kilong shi bynta ba kongsan jong ki Dkhot ka BRICS, u Commerce Secretary u la ban halor ka jingdonkam ban iatreilang bad ki sienjam jong baroh na ka bynta ka jingkyrshah ia ki MSME.
U la pynpaw ka jingdonkam ban phaikhmat halor ki bynta ba kongsan kum, ka jingpeit ia ka jingiatreilang ha ka Jingwad bniah bad ka Jingkyntiew ia ki kam, Ka jingiasam ia ki teknoloji bad ki Jingiatreilang ha ryngkat ki lad ki lynti na ka bynta ka jingkyntiew ia ki kam khaii pateng.
U Commerce Secretary u la kdew ia ka jingdonkam kyrkieh ban pynsted ia ka jingpynkylla digital kaba pura. Haba kren shaphang ka jingjop jong ka India ban tei ia ka open source India Stack jong ka Jingdon Jingem Paidbah kiba kongsan kum shi bynta jong ka kam pynkylla digital ia ki karkhana da kaba bud ia ka jingngeit ha ka jingioh lad ia baroh.
Ka jingshai, ka jingshaniah bad ka jingburom ia ka jingiada ia ka data, u la pynpaw ka jingmynjur jong ka India ban iasam ia ka jingshem jong ka bad ki ri jong ka BRICS halor ka jingkylla digital ha ki rynsan jong ki jingsiew jingdiah, e-commerce, jinglong tynrai jong ki ri, ki kam bank, ka pule puthi bad kiwei kiwei.
Halor ka sienjam jong ka Russian presidency ha kaba iadei bad ka jingiatreilang ha ki Special Economic Zone (SEZ), u Commerce Secretary u la pdiang ia ka jingwanrah jingkylla ki SEZ kiba wanrah ia ki lad ioh kam, ki teknoloji katkum ka juk mynta bad ka jingkyntiew ia ki kam shalan mar. U la kdew ia ka jingkongsan ban iasam jingtip bad ki rukom treikam kiba biang ha kaba iadei bad kane.
Ha ka jingpynkut, u Commerce Secretary u la ban jur halor ka jingkongsan ka jingiatreilang bad jingkut jingmut ryngkat ka jingiaineh, ka jinglong kawei bad jinglong shai ban mad ia ki jingeh hapoh jingngeit jong ka jingngeit ha ka jingsngewlem, ka jingpyrkhat ia kiwei bad ka jingsngewthuh na ka bynta ka lawei kaba bha jong ki ri BRICS.
Ka jingialang Trade Minister ka la mynjur ia ka Joint Communique bad hynriew tylli ki outcome document ba iadei bad ki jingeh bapher bapher ba ladep kdew kham mynshuwa.
Ha kane ka jaka ba long ka BRICS TMM, u Commerce Secretary u la pynlong jingialang bad u Myntri ka tnat Economic development Maxim Reshetnikov, Dkhot jong ka Board (Myntri) jong ka Trade, Eurasian Economic Commission Andrey Slepnev, u Symbud Myntri jong ka tnat Industry and Trade Alexey Gruzdev.
U khlieh duh jong ka FSVPS, Sergei Dankvert jong ka Russian Federation kumjuh ruh bad u Symbud Myntri jong ka Tnat Trade, Industry & Competition, South Africa, Zuko Godlimpi bad u Myntri Khynnah jong ka tnat foreign Trade, UAE, Thani Bin Ahmed Al Zeyoudi, ha kaba la iakren ia ki jingeh ba iadei bad ka khaii pateng hapdeng ki ri na ka bynta ka jingpynbeit kham sted ia ki.
