Shillong, Nailar 02: Ka All Meghalaya SSA Non Teaching Staff Association mynta ka sngi ka 2 tarik u Nailur 2024 ki la pynpaw ia ka jingbym sngewhun halor ka rai ka ba la mih na ka committee ba la khlieh da u Vijay kumar Mantri IAS, Commissioner bad Secretary ka tnad pule puthi ka Rationalization Committee ia ka ba la thung da ka Sorkar Jylla ha ka ban bishar halor ka jingtyrwa ban kyntiew tulop ia ki nongtrei SSA jong ka Jylla ki ba kynthup na duh ki District , Block bad State level.
Ha ka jingiakren bad ki nongthoh khubor na ka liang ka Kong Jeniffer June Synrem ka la ong ba ha kane ka jingialng na ka liang ka kommittee kam shym la lah ban shim ia ka rai ka ba lah ban pynhun ia ka seng na ka daw ba kim shym la ioh lad ban iatai ia ki mat ba kum ka seng ka buh ha khmat kane ka kommittee.
Ka kong Synrem ka la ong ruh ba na ka liang ka committee kan sa ioh pat ban ia kynduh ha kine ki khyndiat sngi ha ka ba kin sa ioh ban iathir kham bha halor ki mat jingdawa jong ki.
Ka la ong ruh ba la da na ka liang ka kommittee kam pat shym la lah ban pynurlong ia ki jingdawa jong ka seng, na ka liang jong ki kin ym pat lah ban kynriah ne pynkut noh ia ka jingshong kyllain mongor jong ki na Madan Malki.
Ka Kong Synrem ka la buh ruh ka jingkyrpad ia kane ka kommittee ba kan leh kham kloi ia kane ka kam ha kaba na kaliang ki dkhot jong kane ka kynhun kin ioh ban leit phai noh sha la ki kam bad ki jaka trei jong ki bad khamtam sha la ki jong ki iing ki sem. Ka la ong ruh ba na ka liang ka kynhun ka la rai ba ia kane ka jingiakhieh ki dang iaiban byteng tad haduh ba kin da ioh ia ka jingdawa jongki.
