Shillong, Nailur 05: Ban wan rah ia ka jingiajan ha pdeng ki kynhun shipai ia da u pud u sam hapdeng ka Ri India bad ka Bangladesh, mynta ka sngi la pynlong ia ka jingalang jong ka ‘Sector Commander level coordination’ ha Borsora Land Costume Station, ha Bangladesh.
Kane ka jingialang la khot ban wanrah ia ka jingia dei kaba jan hapdeng kibe ki ar tylli ki ri bad ban don ka jingiajan ha ka jingiadei bad ka jingiapahra ha khappud bad kiwei kiwei ki kam kiba ia dei ga khappud India bad ka Bangladesh.
Na ka kynhun shipai BSF la lam khmat da u Manoj Kumar Barnwal, DIG, Sector HQ BSF Shillong katba na ka Bangladsh lam khmat da u Md. Saiful Islam Chowdhury, Deputy Director General, Sector Commander BGB, Sylhet, Bangladesh.
Ha kane ka jingiakynduh kila ia kren ha kaba ia dei bad ki kam iada khappud ban don ka jingiatrei lang bad ban don ka jingia sngewthuh jingmut hapdeng ki ar kynhun ki shipai kiba don ha khappud na ka bynta ka jingbit jingbiang lang jong baroh ar liang.
Ha dien ka jingialang baroh ar liang kila pynpaw ia ka jingsngew kmen ban ka jingialang ka long kaba seisoh bad na baroh ar liang kila ia kular don ka jingiajan ban don ka shongsuk shongsain ha khappud India bad ka Bangldesh.
Ka jingialang kala wai da ka jingiakut lang ba kum kine ki jingialang kin dang pynlong na ka por sha ka por ha ki snem kiba wan ban pynthikna ia ka jingiatreilang ban pynthikna ba ka jingphara ha khappud kan long kaba suk ba sain.
