New Delhi, Nailur 28: Ka Tnad Kam Jngoh Kai jong ka Sorkar India ka la pynbna ia ki nongjop jong ka jingiakhun Best Tourism Villages Competition 2024, mynta ka sngi, ka 27 tarik u Nailur, 2024 ha ka World Tourism Day.
Ka shnong Umdenbad Mawphlangha Meghalaya ki la jop hapoh ki phang shna jingshna bad hiar pateng. Ban kyntiew ia ka kam jngohkai ha ki shnong jong ka India, la sdang ia ka jingiakhun Best Tourism Villages Competition ha u 2023.
Ka jingpeit ka dei ban lap bad ai jingithuh ia ki shnong kiba pynneh bad kyntiew ia ki jingdon jingem ha ka deiriti bad ka mariang lyngba ki jingngeit tynrai ha ka imlang sahlang bad ka jingieng skhem na ka bynta ka jingiaineh ha baroh ki bynta.
Ka bynta kaba nyngkong jong ka jingiakhunBest Tourism Villages Competition ha u 2023 ka la ioh ki application na 795 tylli ki shnong. Ha ka bynta kaba ar jong ka jingiakhunBest Tourism Villages Competition,la ioh pdiang 991 tylli ki application na 30 tylli ki Jylla bad UT bad na kine 36 tylli ki shnong ki la ioh jingithuh kum ki nongjop ha 8 tylli ki thup jong ka jingiakhunBest Tourism Villages competition 2024.
