Maligaon, Risaw 06: Ha ka jingiakhun ban ialeh pyrshah ia ka jingwan rung beain ki khar Bangladesh bad ki Rohingyas ka kynhun pulit Railway Protection Force ba dei jong ka Northeast Frontier Railway kila ioh ban kem haduh 256 ngut ki khar Bangladesh kiba la wan rung tuh sha India na duh u kyllalyngkot ha duh u Nailur 2024.
Ki kynhun pulit jong ka RPF kiba don ha Agartala kila juh pynlong ia ka jingkynra ha Railway Station man ka por bad ha kane ka jingkhynra la lap ba ki don 11 ngut ki briew ha station 4 ngut ki kynthei bad 7 ngut ki shynrang.
Haba la kylli bad pan ia ki kot ki sla kiba biang kim shym lah ban pynshisha ne pyni ia ki kot ki sla kiba don kam ban pynshisha ia ka jinglong trai shnong ka jong ki bad ha ka jingthohkit kila phla ba kila rung beain sha India da ka jingthmu ban leit sha Mumbai bad Ahmedabad da ka rel.
Ia kine ki khar Bangladesh kiba la rung beain sha India la aiti sha ki pulit kiba don ha Agartala ban leh ia kaba don kam, naduh u bnai kyllalyngkot haduh u Nailur la ioh ban kem haduh 256 ngut ki khar Bangladesh da ki pulit RPF, na liang jong ki pulit RPF haba ki ioh shan khmat ki juh kylli bad lada kim lah ban pynbiang ia ki kot ki bat ban aiti sha ki pulit ban leh ia kaba don kam.
