Shillong, Risaw 12: Ka jingiakhih jong ki nonghikai SSA ha ka lam jong ka seng All Meghalaya SSA Teachers Association (AMSSATA) ki dang bteng ia ka jingiakhih ka jong ki ha Madan Malki ban dawa na ka sorkar ban pynkiew 100% ia ka tulop jong kaba khlem pynkiew mynta la phra snem.
Kane ka kynhun ki nonghikai SSA kila buh da ka jingthoh sha ka sorkar ba kan pynkiew iaka tulop jong ki shuwa ka 30/Nailur/2024, hynrei na ka liang jong ka sorkar kam shym la ai ka jubab kaba shai, dei halor kane ka nongrim kila sdang ia ka jingiakhih ha MadanMalki kaba la kot sha ka 12 sngi.
Kine ki nonghikai kila phah ia ka jingthoh sha u Lat ka jylla ba un tuklar lem ia kane ka kam jong ki bad kila ia kynduh ruh ia u bah Paul Lyngdoh myntri kabinet ha kaba la kular ban rah ia kane ka jingdawa jong ki sha u myntri ka tnad pule.
Na ka liang ki nonghikai SSA kiba don ha ka lama jong ka AMSSATA ki kwah ban ka sorkar kan ai da ka jingthoh sha ki ha kaba ia dei bad kane ka jingdawa ka jong ki lada ka don kano kano ka jingkular hynrei kin nym pdiang lada ka jingkular kan long tang da ka ktien.
