Shillong, Risaw 14: Ka kong Pauline Warjri kawei na ki nongseng ia ka Aroha Choir kala pyntip ba kin pynlong ia ka jingpynrwai ha ka 19/Risaw/2024 ha Soso Tham Auditorium Shillong ban pynmih pisa ia ka “Poor Patients Found” ka Dr. H Gordon Robert’s Hospital, Shillong.
Haba kren ha ki lat pathai khubor ha Shillong Press Club, kala ong ba ha Dr. H Gordon Robert’s Hospital, Shillong ka don ka shnat treikam kaba la buh kyrpang “ Poor Patients Found” kane ka long ban iarap ia kiba shah sumar kiba da duk tamsa ki bymdon lat ban phah sumar.
Ka kong Pauline kala ong ba shuwa ban poi katei ka sngi ban pynrwai ha ka 17/Risaw/2024 kan don ka jingiakren ha Perly Dew School ha kaba ka myntri ka koit a khiah ka Dr. Ampareen kan don lang bad ka jingiakren ka long kumno ban iada ia ki khun samla na ka jingdih drok.
Ha ka 18/RIsaw/2024 pat kin pynlong ia ka jingsumar ei ha State Central Library naduh ka por 10 baje mynstep haduh kapor 5 baje jan miet, bad haka 19/Risaw/2024 kin pynlong ia ka jingpynrwai ha Soso Tham Auditorium bad ia ka pisa kaba mih yn ai sha ka Dr. H Gordon Robert’s Hospital, Shillong.
