Shillong, Risaw 15: Ka Seng Khasi Kmiew, Mawkhar kan pynlong ia ka tamasa “Na Thymmei Festival” 2024 ha Madan Weikieng kata ha ka 26 bad 27 tarik mynta u bnai Risaw, ha kaba ka tnad shangsuwari ka sorkar jylla kala ai lad ban pyniaid.
Haba kren ha ki lat Pathai khubor u bah Hamarsing Kharmar la ong ba kane ka long kum shibynta ban kyntiew ia ka Kolshor, kam shangsuwari namar ha kine ki ar sngi ym pyni ia ki jinglong tynrai ki khun khasi khara kiba don bun jaid.
Ha katei ka tamasa kan don ruh ka jingpyni ia ki riam tynrai, ia kaba la tip kum ka “Lukhimai bad Nai Khatsawsynia” ha kane ka tamasa yn ioh ia ki riam tynrai bad ka put ka tem tynrai na kylleng ka ri khasi bad Jaintia.
Ha kitei ki ar sngi kan ruh ka jingdie ia ki jingbam tynrai, na ka liang jong ka seng Khasi kmie ka khot kawer ia baroh ban ia poi ha katei ka tamasa ka ban long ar sngi lynter ha Madan weikieng ban ia skhai ia ka jinglong tynrai kum ka jaidbynriew.
