Shillong, Risaw 16: Mynta ka sngi u myntri rangbah ka jylla u Conrad K Sangma bad ki paralok ba ia pule lang ha St. Edmund kial leit ban pyndon burom khatduh ia u Bro Eric D’Souza ha iing mane kaba don ha St. Edmund.
U Bro. Eric u la dei u wei na ki nonghikai bala aiti ia lade ban hikai katei ka jaka jinghikai bad u la long shisha u nonghikai ba hikai slem ha St. Edmund, ka jingkhlad noh ka jong u ka long ka jingduh kaba khraw.
U Myntri rangbah ka jylla ha ka sngi khlad u la phah ia ka khubor sngewlem halor ka jingkhlad noh jong u ne u nonghikai ba don kti ban kyntiew ia shibun ki samla pule ym tang ia kiba na kane ka jylla Meghalaya hynrei ki samla pule kane ka thain shatei lam mih ngi.
Ia ka jinglehniam la pyndep ha St. Edmund bad la tep don burom ha u lum jingtep jong ka Balang Katholik kaba don ha Laitumkhrah, ka jingkhlad noh ka jong u Bro Eric ka long ka jingduh kaba khraw.
