Shillong, Risaw 19: U President ka BJP Meghalaya State Unit la ong ba la phah ia ka kyrteng jong u Bernard N Marak ban ia khun ia ka elekshon shiteng samoi na 56-Gambegre (ST) Assembly Konstitwensi kaban long ha ka 13/Naiwieng/2024.
Haba kren ha u SP News Agency u Rikman Momin lynba ka phone la ong ba ka party kala khreh ban ia khun ia ka elelshon shiteng samoi ka ban sa long ha Gambegre bad ia mynta la dep ban phah ia ka kyrteng u Bernard N Marak sha ki bor ba halor ban ai ia ka jingmynjur.
Kumba ka party kala dep ban pynkhreh ban ia khun, kaba sah mynta ka shong ha ki bor ba halor jong ka party na Delhi la kin ai ne em ia ka jingmynjur bad kumba ka long ki paidbah na Gambegre ki kwah ba u Bernard un ia khun ia kane ka elekshon.
Ha ka juh ka por la ong ba ki dang ap ioh dang don kiba kwah ban ia khun ia kane ka elekshon shiteng samoi, hynrei kum u President jong ka party la dep ban phah iaka kyrteng jong u Bernard N Marak sha ki bor bahlor bad mynta ki dang ap ban ioh ia ka jingmynjur.
Ki nongtrei jong ka party kila khreh ban ia khun ia kane ka elekshon ha katei ka konstitwensi bad mynta ki dang ap tang ia ka jubab na kibor ba halor jong ka party la kin pdiang ne em ia kane ka jingwah ka party ban ia khun ia ka elekshon.
