Shillong, Risaw 22: Ka Dorbar Shnong Umkiang lyngba kane ka khubor ka ai khublei shikatdei eh iaka High Court badon burom jong ka Meghalaya ban shimti daka Suo Moto PIL na bynta ban pynim iaka mukotduma ba la ai da u samla bam kwai ha dwar ublei u Kynjaimon Amse.
U tei u samla ha ka por ba u mudui ia ka PIL u dei ruh u Assistant Waheh Shnong jong ka Shnong Umkiang pyrshah iaka NHAI na bynta ka jingjot rathai jong u surok lynter surok bah NH 6 khamtam naduh Lumshnong haduh Malidor.
Ka Dorbar Shnong Umkiang ka ai khublei khamtam eh ia u Muktiar jong u Kynjaimon Amse u Shri. S. Panthi uba lah pyntip sha ka Court ba u nongmudui u lah khlad bad uba kyrpad iaka High Court ba don burom ban pynim ia kane ka PIL u samla Kynjaimon namar kadei na bynta ka bha ka miat u paidbah.
Kumta ka Dorbar Shnong Umkiang ka ai khublei shikatdei eh ia kine baroh ar ba ki lah shimkhia iaka bit ka biang uba bun ba lang. Ka Dorbar Shnong Umkiang, ka kyrmen ba lyngba kane ka PIL ba la kyrpad da u Muktiar S.Panthi ha iing kashari High Court ka NHAI kan shna bha ia kane ka surok NH-6 kumba dei rukom katkum ka juk stad ba mynta.
