Shillong, Risaw 25: Ka Sports Authority Of India (SAI) Shillong kan pynlong ia ka program jied khynnah ialehkai na ka bynta ki Shynrang bad kynthei ha ka Archery, Boxing, Judo bad Karate na ka bynta ka residential bad non residential scheme ia ka ba ynpynlong ha u Naiwieng jong mynta u snem 2024 ha poh katei ka shelm ai jinghiaki ka ba don ha NEHU Shillong.
Kat kum ka kyrwoh ba la phah da Deputy Director jong ka SAI NEHU, Shillong u T S Chavhan u la pyntip ban ka kyrta jong ki khynnah kan dei ban long naduh 12 hauh 18 snem ka rta.
Ka jingjied ia ki khynnah ialehkai kan long kat kum ka jinglah ban pynpaw ia ka jingtbit ha ki lympung ialehlkai ba la ioh jingithuh ha ki Inter National, National, State bad District level. Yn bishar bniah lynba ki test katkum ka rta .
La bthah ruh ia ki khynnah ba ki dei ban wanrah lang ia artylli ki dur passport size ba dang shu dep shon shen ryngkat ka Adhar Cards bad ki kot ki sla ki ba lah ban pynshisha ia ka snem kha.
Ia ka Archery na ka bynta ki shynrang bad Kynthei ( residential bad non residential Scheme) yn pynlong ha ka 7 bad 8 tarik u Naiwieng 2024. Na ka bynta ka boxing, karate bad Judo ki ba hap hapoh ka Residential Scheme (Boys and Girls) yn pynlong ha ka 8 bad 9 tarik u Naiwieng.
