Shillong, Risaw 29: Ka Akashvani Shillong, ha ka jingiatreilang bad ka Myngken Christian Higher Secondary School, Bhoirymbong ka la pynlong ia ka Seminar ba la tip kum ka “Sustainable Development and Youth,” ryngkat ka jingpynlong ia ka open quiz ha Myngken Christian Higher Secondary School, Bhoirymbong mynta ka sngi.
Ki Khynnah pule jong ka Little Flower Higher Secondary School, Mawbri, bad Umroi Presbyterian Higher Secondary School ruh ki la iashim bynta ha kane ka prokram.
U Principal jong ka Myngken Christian HSS, Bah Everlasting Pyngrope, u la ban jur halor ka jingkongsan ban pdiang ia ki rukom kiba kyntiew ia ka roi ka par. Ki Khynnah pule jong ka skul ki la pyni ia ka jingkut jingmut jong ki ha kaba iadei bad kane ka phang da kaba ai ia ka jingrwai kaba phaikhmat sha ka jingiaineh.
Ha ka teknikal session, ba la pyniaid da u Bah R. Kharlukhi, ki don ki jingbatai kiba kongsan. U Bah AiborlangWanswett, Senior Director (IT) bad Scientist F ha ka National Informatics Centre, Meghalaya, u la iamir jingmut halor ka phang “Youth Digital Pathways for Sustainable Development,” kaba pyni ia ka jingkongsan jong ki thong 17 Sustainable Development Goal (SDG) bad ki lad kiba don ha ki kam digital na ka bynta ki khynnah samla.
Ka kongAlvareen Mary Shangpliang, District Coordinator of DSBMG, Ri Bhoi District, ka la kren halor ka phang “Sanitation as a Sustainable Lifestyle,” bad ka la kyntu ban don ka jingkylla ha ka rukom pyrkhat bad ka rukom im ha kaba iadei bad ka jingkhuid bad ka la kyntu ruh ban don ka jingpynduna ia ki jabohjabainplastik.
U Dr. HehlangkiTyngkan, Aspirational Block Fellow jong ka Umling C&RD Block, u la ai jingkren halor ka phang “Sustainable Agriculture: Ensuring a Better Future.”
Ha man ka jingpynshai la pynbud pat da ka jingialang iamir jingmut, kaba pynshlur ia ka jingiakren hapdeng ki nongiashim bynta. Shuh shuh, ka open quiz ba iadei bad ki phangba la pynlong ka plie lad ia ki nongiashim bynta ban jop ia ki khusnam. La pynkutia ka seminar da ka jingsam ia ki memento sha ki skul kiba iashim bynta.
