Shillong, Naiwieng 02: Mynta ka sngi u bah Starfing JL Pdahkasiej u la plie paidbah ia ka Trophy jong ka Khasi Jaintia Got Talent Season -1 ha Shillong Press Club kaba la pynlong da ka Khasi Indigenous Foundation.
Ha ka jingkren kum u kongsan ha kane ka jingpynlait paidbah ia ka Trophy ban ai sha lah duh jong kane ka jingiakop ka ban long ha ka 11/Nohprah/2024 ha Wahiajer, la ong ba kaba kongsan eh ka dei ka jingiashim bynta ha kano kano ka jingiakop, ka jignjan ka wan ha dien.
Na ka liang jong u bah Starfing u la ban jur ba ha kum kine ki jingiakop ban ioh ia ki nongjop kiba don shisha ia ka sap kaba ki don kam dei ban don kata ka jingdie ia ki tiket, lada don ka jingdie tiket kiba don ia ka sap kin nym lah shuh ban jop namar la jop da kiba lah ban die shibun ki tiket, kane kam dei shuh ka sap kaba ki don.
La ai khubblei ia baroh ki nogwan ia shim bynta kiba la don haduh 30 ngut bad kiba la poi sha ka jingiakopha ka phainal ki don 10 ngut, la ai ka jingkitbok ia baroh ki nongiashim bynta ba kane kan dei shisha ba kiba don kam kin ioh ia ka jingjop.
U bah Niman N Shadap u director ka Khasi Jaintia Foundation, la ong ba la pynlong ia kane ka jingpynlait paidbah ia kane ka Trophy ka long ban pynthikna ba ka jingiakop ka long kaba shisha bad kam dei kaba shukor. La khot la wer ia ki paidbah ban wan sa khi ha ka phainal ban long ha Wahiajer.
La ong ba ka khusnam ia ki nongjop ka long ban rah ia ka laduh ynioh T.200,000/- tyngka, ba wan ba ar T.100,000/- shilak tyngka bad ba wan ba ali T.50,000/- tyngka. Ka seng ka khlem phah die tiket ban ioh ia ki riew don sap kiba shisha, ban ioh ia ki nongjop 30% ai ki paidbah kin rai bad &0% kan wan na ki nongbishar.
