Shillong, Naiwieng 03: Ka jingbym lah ban shimrai ka sorkar ha kaba ia dei bad ka Meghalaya Cherra Cement Limited (MCCL) kala buh ia ki nongtrei kiba dang sah mynta ha ka pynlynga ia ki nongtrei ka kaba kim tip shano kan poi.
Na ka liang jong ki nongtrei na ka por sha ka por kila juh ia kynduh na ka por sha ka por ia ki bor jong ka sorkar bad kaei kaba ki kwah ka long tang ba ka sorkar kan siew ia ka tulop jong ki kumba kidei ban ioh.
Na ka liang jong ki nongtrei haduh mynta kim pat don kano kano ka jingkren ha kaba ia dei bad ka jingpyniaid ia ka tei ka karkhana namar, ki don lai tylli ki bor, ka sorkar, ka hima Sohra bad ka hima Mawmluh bad kine haduh mynta kim pat ia kynduh ban ia kren.
Kumba ka paw na ka liang jong ka sorkar kala kwah ban pynlaitnoh ia ka tei ka karkhana dewbilat kaba na ka jingpeit jong ka sorkar, ne ba kan don ka jingiatreilang hapdeng ka sorkar bad ki riew shimet, hynrei haduh mynta kam pat shai aiu ka sorkar kanleh ia kane ka karkhana dewbilat.
