Shillong, Naiwieng 05: Mynta ka sngi ha ka por kumba lai baje noh phai sngi u slap bad u phria u la wan ban lynshep ia ki bynta jong ka West Jaintia Hills bad East Khasi Hills bad kala wan rah ia ka jinglyniar ia ki nongrep khtam ia kiba rep kpa.
U bah Heimon Shylla rangbah shnong ka shnong Musten kaba hap ha West Jaintia Hills District haba kren ha u SP news Agency la ong ba ka jingjulor kaba khraw tam dei ia kiba rep kba namar mynta ki dang dep ban ot tang mar shiteng.
La ong ba katkum ka jingtip kaba u la ioh ki shnong kiba la shah ktah na kane ka jinghap phria nalor ka shong jong u ka Musten, kiwei kiba la shah ktah ki long ka Muplang, Moosakhia, Samanong bad kiwei kiwei kiba don ha jan jong ki de.
Halor kane ka jingjulor la pyntip sha u BDO jong ka Thalaskein Block jong ka West Jaintia Hills District bad la pyntip ruh sha ki Gram Sevak kiba dei peit ia kitei ki shnong ban kyrpad lem ia ka sorkar ba kan iarap lem.
Ha East Kahsi Hills District ympat lah ban ioh katno tylli ki shnong hynrei kaba la shah ktah dei ki ar tyli ki Blok kawei ka Mawphlang Block bad kawei ka Sohiong Block ha kaba la ioh jingtip kala don ka jingjulor jong u kpa namar ba ym pat de pot.
