Shillong, Naiwieng 08: U President jong ka NEHUTA U Prof Lakhon Kma haba iakren bad ki nongthoh khubor ha ka 8 tarik u Naiwieng 2024 hadien ka jingiakynduh ia u Lat ka jylla u C.H Vijayashankar ula pynrem ia ka jingleh jong ki nongialam ka Voice of The People Party kiba la wan ban ai jingkyrshan ia ki khynnah pule jong ka skulbah NEHU.
U nongialam ka NEHUTA la ong ba ha kum kane ka por ba ka dang khluit ka jingiakhih bad ong ba kane kam don jingmut ei ei ruh namar kam lah ban tem ne pynbeit ia ki kynrum kynram.
Na ka liang U Prof Lakhon ula ong kumba ka long mynta ka thong hi ka long ban pynhun bad pynurlong ia ka jingdawa jong ki khynnah pule ka skulbah bad kino kino ki briew ne ki seng kiba wan sha NEHU ban pyni ia ka jingkyrshan ki dei ban buh nyngkong ha ka jingmut ban isynei bad iarap ia ki khynnah kiba la shong shah thngan mynta la 72 kynta.
U Prof. Lakhon ula bynrap ruh da kaba ong ba ka jingleit iakynduh jong ki dkhot jong ka VPP ia u VC ka la nang pynbitar shuh shuh ia ki khynnah pule namar kumba la tip ba kane ka daw bad ka jingeh ka mih dei na ka jingleh thok bad bym niewkor jong u Vice Chancellor ka skulbah NEHU.
