Shillong, Naiwieng 18: Mynta ka sngi u Rorock R. Marak Co-Chairman, Northern Zone jong ka seng A’chik Conscious Holistically Integrated Krima (ACHIK), kila phah da ka jingthoh sha u Executive member ba dei peit ia ka khyndew ka shyiap ba peit bniah ia ki Trading License ia ki dukan ha Dainadubi jong ki bar jylla.
Na ka liang jong ka ACHIK ka thoh ia kane ka shithi ka long ban pyntip sha ka GHADC ha ka khaii pateng jong ki briew kiba na bar ka jylla ha katei ka jaka namar ka seng kala ioh ia ka jingtip ba bun na kiba khaii kim don ia ka Trading License.
Kane ka jingiakhaii kaba khlem bud ia ki kyndon kam dei tang ba ki ialeh pyrshah ia ki kyndon jong ka ain bad ka buh ruh ia ka jingma ha ka khaii pateng ia ki trai ri trai muluk, kumta ka seng ka kyntu ia ka GHADC ban kan phah tohkit bniah ia ka jingdon ki nongkhaii ha Dainadubi.
Ka seng ACHIK ka ai ka jingkular ia ka GHADC ban iarap lada don kam bad khmih lynti ka ophis kan leh ia kaba don kam na ka bynta ka jingiada ia ki trai shnong kiba trei ha ki kam khaii pateng.
