Shillong, Naiwieng 22: Mynta ka sngi ki nongdie madan ha Khyndailad kila leit ban tur kynsan sha ophis jong ka Shillong Municipal Board ban pan ia ka jingpynshai ha kaba ia dei bad ka jingong ban pynkynriah ia ki nongdie madan na Khyndailad.
Ka kong B Pyrtuh ka president ka Meghalaya Greater Shillong Progressive Hawkers bad Street Vendors Association (GSPHSVA) kala ong ba kala don ka jingialang jong ka TVC hynrei khlem pat rai ban pynkynriah ne rah shano shano.
La ong ba hooid na ka liang jong ka sorkar kala ong ban pynkynriah khyndait khyndait 60 ngut, 50 ngut, hynrei kim pat pdiang ia kata hynrei ha dien katto kante sngi la pynmih khubor ban weng ia ki 200 ngut bad ki kwah ban tip kito kidei ki ei bad kin nym pdiang.
Ka jingwan jong ki sha SMB ka long ba ki dkhot jong ka PVC ki don ha katei ka jaka, hato ka Municipal kam lah she ban ia kren bad u bah Paul um dei hi ruh u dkhot ka TVC, kine kiba leit mynta ka sngi baroh ki dei na Shillong.
Ka nongialam ki nong die madan kiba la dep ban register badka sorkar ki don 5000 ngut tam baroh kaweika sor Shillong, la kyrpad iaka TVC ba kin pyndep noh ia ka jingjurip ban ai laisen, ha kane ka jingleit tur sha SMB kila ioh ban ia kynduh u bah F B Chyne Executive Engineer.
